অবাধ স্বাধীনতা এৰাল চিঙা গৰুৰ দৰে হৈছে নেকি ?

অবাধ স্বাধীনতা এৰাল চিঙা গৰুৰ দৰে হৈছে নেকি ?

 
সাম্প্র্তিক আমাৰ ৰাজ্যখনৰ তথা দেশৰ বিভিন্ন অংশত ঘটি থকা বিক্ষিপ্ত ঘটনাৰাজিৰ সপক্ষে-বিপক্ষে ৰাজনৈতিক, অৰাজনৈতিক দল সংগঠন তথা ব্যক্তি বিশেষে বিভিন্ন মতামত আগবঢ়াইছে । কাৰো বেনাৰত নগৈ আমাৰ দৰে সাধাৰণ নাগৰিকসকলো এই সমষ্ট প্রক্রিয়াটোৰ লগত জৰিত হৈ পৰিছো ফে'চবুক, টুইটাৰ আদি সামাজিক মাধ্যমবোৰৰ যোগেদি । দেশৰ শুভচিন্তক প্রতিজন নাগৰিকেই নিজ নিজ মতাদৰ্শ আগ বঢ়াইছে । কিছু কিছু তৰ্ক-বিতৰ্কও হৈছে; অতি স্বাভাৱিক ।

তৰোৱালতকৈ কলমৰ ধাৰ বেছি বোলা কথাষাৰ পুনৰবাৰ প্র্মাণ কৰি এই সামাজিক মাধ্যমবোৰে আজি কেইবছৰমানৰ পৰা আমাৰ সামাজিক দায়বদ্ধতাৰ উজ্জ্ব্ল নিদৰ্শনৰ সাক্ষি হৈ আহিছে । আন্না হাজাৰেৰ পৰা বৃহৎ নদীবান্ধ আন্দোলনলৈ ইয়াৰ প্রভাৱ অসামান্য । আমাৰ দৰে সাধাৰণ নাগৰিকসকলৰ কিছুমানে এই সামাজিক মাধ্যমবোৰৰ ব্যৱহাৰ কৰোতে কেতিয়াবা কেতিয়াবা যেন 'সীমা পাৰ হৈ' নক'বলগীয়া কথা বা প্রসংগৰ অৱতাৰনা কৰিছো । আমি অতি পৰিতাপেৰে লক্ষ্য কৰিছো, এই মাধ্যমবোৰ ব্যৱহাৰ কৰি কিছু লোকে উৰাবাতৰি প্র্চাৰ কৰিছে, উগ্র ধৰ্ম্মীয় প্রৰোচনামূলক বক্তব্য বা আলোকচিত্র প্র্চাৰ কৰিছে, এটা ধৰ্মৰ লোকক আন এটা ধৰ্মৰ লোকৰ বিপক্ষে উচতাইছে... হয়, এই সকলোবোৰ ঘৃননীয় গৰিহনাযোগ্য কাম দুষ্টলোক সকলে ফে'চবুক, টুইটাৰ আদি সামাজিক মাধ্যমবোৰৰ যোগেদিয়েই কৰিছে । লগতে গ্রুপ SMS/MMS ৰ ব্যৱহাৰ কৰিছে ।

অতি সম্প্রতি খবৰত পঢ়িবলৈ পোৱা মতে এনে প্রায় ১৮০ টা মান বিষ-বাস্প বিয়পোৱা ৱেব-চাইট ভাৰত চৰকাৰে চিনাক্ত কৰি ভাৰতত প্র্চলন বন্ধ কৰাৰ ব্যৱস্থা কৰিছে । বেছ আদৰনীয় কথা । এই খবৰবোৰৰ মাজতে পঢ়িলো চৰকাৰে ফে'চবুক আৰু টুইটাৰৰ বিৰুদ্ধেও আইনী ব্যৱস্থা লোৱাৰ চিন্তা-চৰ্চা কৰিছে । কাৰণ এনে বহুতো 'হে'ট মেচেজ' ফে'চবুক আৰু টুইটাৰৰ যোগেদিও প্রচাৰ হৈছিল (বা হৈ আছে কিজানি) । হয়, এখন স্বাধীন, সাৰ্বভৌম, ধৰ্ম নিৰপেক্ষ ৰাষ্ট্রৰ নাগৰিক হিচাবে আমাৰ যিকোনো কাম কৰাৰ বা কথা কোৱাৰ স্বাধীনতা আমাৰ সংবিধানে দিছে; কিন্তু সেইবুলি অবাধ স্বাধীনতাৰ নামত আমি দেশৰ বা দহৰ অধিক অপকাৰ কৰিব পৰা গৰ্হিত কাম বা কথা কোৱাৰ স্বাধীনতা নিচ্ছ্য় নাই ।

কেইটামান পাষন্ডই এনে কাম কৰিলে বুলিয়েই চৰকাৰে কাইলৈ ফে'চবুক, টুইটাৰত লেকাম লগাই দিব.. এই বিষয়্ত এখন বিল পাছ হওঁ হওঁ কৈ আছে । এই লেকাম ডালৰ কথা চৰকাৰে বেছ সক্রিয় ভাৱে চিন্তা কৰি আছে লোকপাল বিলৰ আন্দোলনটোলৈ সমগ্র জাতি, ধৰ্ম, ভাষা নিৰ্বিশেষে দেশৰ ৰাইজে অকুন্থ সমৰ্থন আগবঢ়োৱাৰ পিছত, ক'লা টকা বিদেশৰ পৰা ওভোতাই অনাৰ আন্দোলনৰ পিছত... আৰু এতিয়া আহিল দেশৰ আভ্যন্তৰিন নিৰাপত্তাৰ ক্ষেত্রত ভাবুকি (!!) হিচাপে ঠিয় দিয়া ফে'চবুক, টুইটাৰ ; যাৰ কিছু সদস্যৰ অবাধ স্বাধীনতাৰ বহিৰ্প্র্কাশৰ বাবে । চৰকাৰৰ বাবে বোধকৰো ইয়াতকৈ উত্তম সময় বা সুজোগ আৰু কেতিয়াও নাহে ফে'চবুক, টুইটাৰক নাকী লগাবৰ বাবে । ইতিমধ্যে ড্রাফ্ট তৈয়াৰ হৈ গৈছে কিজানি কোনে জানে ?!!

Facebook Link - https://www.facebook.com/groups/axomiyakothabotora/permalink/428199663899202/